នារសៀលថ្ងៃចន្ទ ៦រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៩ ខែមីនា ឆ្នាំ២០២៦ ឯកឧត្តមបណ្ឌិត ឈីវ យីស៊ាង ប្រធានគណៈកម្មការទី៥ព្រឹទ្ធសភា និងជានាយកខុទ្ទកាល័យសម្តេចអគ្គមហាសេនាបតីតេជោ ប្រធានព្រឹទ្ធសភា បានទទួលជួបពិភាក្សាការងារ ជាមួយ ឯកឧត្តម Yoon Hu-duk សមាជិករដ្ឋសភាកូរ៉េ និងជាប្រធានក្រុមមិត្តភាពសភាកូរ៉េ-កម្ពុជា ព្រមទាំងគណៈប្រតិភូ នៅសាលភក្តីវិក្រម៣ វិមានព្រឹទ្ធសភា។ ដោយមានការអញ្ជើញចូលរួមពីសំណាក់ឯកឧត្តម ម៉ម ប៊ុននាង ប្រធានគណៈកម្មការទី១០ និងមន្ត្រីរាជការអគ្គលេខាធិការដា្ឋនព្រឹទ្ធសភា និងខុទ្ទកាល័យសម្តេចតេជោប្រធានព្រឹទ្ធសភាផងដែរ ជំនួបពិភាក្សានេះ បានផ្តោតសារៈសំខាន់លើការបន្តពង្រឹងទំនាក់ទំនង និងកិច្ចសហប្រតិបត្តិការទ្វេភាគី កម្ពុជា- សាធារណរដ្ឋកូរ៉េ ជាពិសេស រវាងព្រឹទ្ធសភាកម្ពុជា និងសភាកូរ៉េ តាមរយៈក្រុមមិត្តភាពដែលមានស្រាប់៕
ខ្លឹមសារ៖ គណៈកម្មការទី៥ព្រឹទ្ធសភារូបភាព៖ នាយកដ្ឋានព័ត៌មាន
